ما رِجَع ؟ سألوا عليه يمكن إنه فيه شي .
غيبته عنّي { غريبه } روحوا جيبوا لي الخبر :
والله ماهي عادته أيّام ما يسأل علي !
حجة الغايب معاه . . بس . . مافيني صبر .
لا تخبّون الحقيقه |
وماحصل ؟
- قولوه لي .
ولا تقولوا لي : نسى أو لهى ،
ماهو عذر !
أكذِب إن قلت الليالي في غيابه : هي / هي
ويَصْدِق إن قال المفارق راح يسبّب لي : قهر
قلبي حيل إشتاق له وحبي له ماهو [ شوي ] :
مثل صحرا أنتظر . . طق يامطر | طق يامطر .
في وداعه ، كنت أمسك راحتي براحة إيدي
لين شفته بعيد عنّي .. كنّي ماسك لي : جمر !
ظلمه هالدنيا بدونه مابها نورٍ و { ضي } .
ليش سافر عن عيوني ؟ يعني وشفيه السفر !
من غيابه . .
راح عمري !
{ حي } لكن ~ ماني حي .
يا تجيبونه ،
يا إمّا :
روحوا جيبوا لي عُمُر .
الشعر : أفضل وسيله توصِف إللي صار بي . .
وإلا أنا ماكنت أصلًا فاضي وحول الشعر !
![طق يامطر | طق يامطر [أحمد آلـصآنع] Msn-5efa429591](https://2img.net/h/www.msnxmsn.com/up/uploads/images/msn-5efa429591.gif)